鉛筆的故事

今天在生命之道 - 摩西五經最後一課, 梁國權先生的一個啟示!! 分享了一個鉛筆的小故事。

在一個學校畢業禮中，校長在學生畢業前的訓詞中，說了一個有關鉛筆的故事：「一個做鉛筆的工匠在鉛筆即將被裝箱運走前，很不放心，跟它們說：「在進入這個世界之前，我有句話要告訴你，如果你能記住這些話，就會成為最好的鉛筆：

1) 你可能是一支很普通的鉛筆，但你可能會做很多大事，但是有一個前提，就是你要讓自己交給一個人的手中；
2) 你可能經常會感受到刀削般的疼痛，但是這些痛苦都是必須的，它會使你成為一支更好的鉛筆，因為可以更加「出色」；
3) 不要過於執著，要承認你所犯的任何錯誤，並且勇於改正它；
4) 你最重要的部分就是你的鉛芯；
5) 在你走過的任何地方，都必須留下不可磨滅的痕跡，不管是什麼狀態，你必須寫下去。要記住，生活永遠不會毫無意義。」

給我們的啟示是..
1) 先要放低自己，願意交到神手中
2) 人生會遇到很多困難，但捱過之後會變得出色
3) 人誰無過，不過要勇於承認及改過
4) 要保守你的心，勝過保守一切；要倚靠祂專心事奉祂
5) 人生要做有意義的事，也要負責任地留低痕

收樓!

終於收樓啦!
新屋表面看似OK.
但都係要大執...
裝修真係勁貴,
只係整D低層野都十幾萬,
都仲未計表面要做果D...
都唔知開心定愁好!?

複雜!

近來發生左好多事..

乜野都有..
喜: 買左層樓. 19號收樓... 開始同老公包裝sweet home!
怒: 近來發現教會有好多事. 令我覺得原來人始終都係人... 人性醜陋!!!!!
哀: 怒的延續... 神的家! 可悲!
樂: 剛過完生日... 快樂!
沉: 琴晚老公病左! 發高燒... 希望佢快D好番!

可唔可以簡單D!?

換新衫

嘩! 又好耐無寫blog.
一入黎就有新野玩.. 同blog換新衫!

換完! 幾靚! ^.^

心情

心情依然有點沈... 心緒不靈!
尋找 & 祈禱中~~

時間真的可以沖淡一切?

有人話時間可以沖淡一切!
但係對某些事在我來說用不上...

6年前今日...爸爸過身!
雖然6年...但感覺好似昨日一樣!
今年感觸特別多,
可能係因為好朋友爸爸剛離世.

仲好記得... 6年前今日lunch time時間,
好似依家咁.. 係公司食緊飯,
收到電話, 話爸爸係停車場突然暈倒,
起初,佢地話佢無大礙, 叫我唔駛擔心,
又叫我可以的話搭車去半山某停車場同爸爸一同入院,
因為果時十字車都仲未到!
當時心情真係無乜特別.. 只係有少許擔心,
因為一直係無聽到爸爸話有乜野病同唔舒服;
立即搭的士去由上環去半山... 車程只係十分鐘,
途中亦無打電話比媽媽.. 因為無諗過會出事!
落車時已經有一部警車同三個警察等緊我...
第一句說話”你爸爸唔得啦.. 我地要立即車你去醫院見佢..”
吓? 你地係電話唔係咁講.. 點解依家會咁嚴重!?
係警車裡面, 一片空白... 一個電話都無打過,
因為連自己都無法相信...
到達醫院後
醫生話, "你爸爸於兩分鐘前過身了!"

究竟發生咩野事?
到今天.. 我仍然好記得果廿秒...
連自己個心都好似停左咁!
而且直到今日..依然好嬲電話裡面果個警察!
係佢話爸爸唔係好嚴重...叫我唔駛擔心!
點解去到醫院會係另一回事!?
由收電話直至到醫院...只係45分鐘!
短短45分鐘... 影響至今!!

病了!

同老公D細菌打左幾日仗...
終於打輸了!

老公時時都將公司D細菌帶番屋企!
激死人! >_<

好好學習

有一位舊同事... 與病魔戰鬥了十多年,
終於.. 對她來說.. 應該是戰勝! 安息主懷!

她於患病時仍不停的事奉..
教會執事, 小組組長, 查經班導師...
還不時的鼓勵身邊患病的同事和弟兄姊妹!

她時常都將心神放在心裡,
化療期間... 從來沒有埋怨, 只有感恩!
問她過程辛苦嗎? 她只會說: 少許, 不過好感恩神與我在一起,
將痛楚已經減至最低!
開始見到她的頭髮漸漸稀疏..
但她依然帶著笑容!

好好的基督徒榜樣..
令我自槐不如!
相信返到天家... 她一定有一張好靚的成績表!
真的要好好的向她學習!

試用期完畢!

今日完成試用期啦!
時間過得真係快...
已經3個月啦!

係哩間公司無乜壓力! 幾好!
人事關係都幾OK! 唔錯!
一切都按時間工作! GOOD!

繼續努力! 向前!

芋頭敏感!

唔係食芋頭敏感... 係切芋頭敏感!!
都唔知好彩定唔好彩!?

無啦啦... 之前都係KA!!
@_@ 激死人!

一路切... 塊面一路痕一路紅腫...
勁敏感!!!!!!!!

用條命黎整左煲芋頭西米露!! :(

2010.. 你好!

BYE BYE 2009~~~

係09尾去左同好朋友睇"福耳摩C"!

睇到差唔多2010.. 係差唔多.

因為散場果時都仲係2009.. 不過已經11:50分!

好趕緊行去碼頭... 剛好開始倒數!

仲睇到IFC嘅煙花!

第一次現場實景.. 真係幾靚!

祝大家新一年.. 開心快樂! 主恩滿溢! Cheersssssssssssssssss!

開心聖誕Party!!!

又係一年一度嘅聖誕Party!

雖然今年有D樣唔同左...

不過依舊好玩!

多得遊戲部嘅關氏伉儷.

令到我地開心到差D比樓下投訴... :P

雖然屋仔細細...

不過勝在夠warm!

朋友們... 出年黎過呀!

X'mas Party w/hunsband's colleague

聖誕正日去左老公嘅老細屋企BB焦.

一去到................ 嘩 ! "O"

間屋大到>>>>>>>

要用walkie先搵到人!!

有錢嘅人真係可以有錢成咁.

又一親身感受到"貧富懸殊"的差距!

客廁大過我間房..

偏廳放左個三角琴仲可以有大把位走黎走去.

客廳+飯廳+廚房=我間屋兩倍

好多倍數數學題目頓時出現係個腦度..

連隻狗嘅活動範圍都多個我..

做狗都要識搵有錢主人!

工人就更加不在話啦!

老公話佢要點定目標先可以有咁嘅生活環境!

我心諗... 上契做佢老細個契仔會係最快!

講真... 間屋咁大都用唔哂! 要咁大做乜!?

滿足現狀! 溫暖安樂窩!

聖誕禮物!!!!

YEAH!!! 勁開心呀!
老公買左個焗爐比我做聖誕禮物! :D
開心到飛起!

好想快D有製成品呀!

聖誕禮物... 幫人整!!

今日幫朋友仔整聖誕禮物比孤兒院小朋友...
好有意義!

第一次整"薑餅人"
曲奇無難度...不過畫花就好難!
畫到腰骨痛! 又畫得唔靚!
攪到D做型好低能!
希望D小朋友唔好"嚴棄"啦!

差唔多整左130個... 偷左哩4個番屋企! :P

林C NINE - 甜品篇8

又係果醬..

今次係日本蜜柑 & 士多啤梨+藍莓!!

給自己的聖誕禮物

買左一本新聖經《新標點和合本》!
數一數... 原本屋企已經有5本.
點解咁多都要買!? (老公問)
因為返學做功課好有用囉...

返左兩期中神查經,
好多時做功課都唔啱...
原因係本聖經加上我資質問題
所以... "的"起心肝買過本新嘅!

去到基道... 姨婆係咁同我講"串珠"好好..
但佢又唔送比我 :(
又話貴又話無錢
一D誠意都無!

好... 一於等人送比我! :p

搶閘!

一個weekend有2個BB出世!
有D似新年BB搶閘咁! 真熱鬧!
又多2個BB女玩! 真開心!

希望佢地身體健康!

希望...

希望今年的壞消息到此為止。

求祢將我輕放於心上!

事實是很難接受!
不過也要面對和接受.
人... 始終是人!
有軟弱也有跌倒.
唯有認清目標!
更加要面對的... 是自己!
給自己一個警惕!

希望弟兄姊妹們不要太難過!
願神保守看顧!
讓我們躺於祢護庇下。

犯賤的我!

返左幾日工... 最唔適應係無得上網!
所以... 決定買過部電話有得上網!
咁就解決到! YEAH!!!!!!!


新公司... 新工作都幾好!
唔駛OT! 因為FC都係6:15彈閘!
佢之前都有同我講唔主張OT.
我以為佢講吓!
原來講得出做得到!
好野!!!


但係... 之前公司陪養左個唔知係好定唔好嘅習慣..
就係OT! 可能真係有D犯賤!
唔OT好似對唔住公司,
過唔到自己!

你地話我係唔係犯賤吖!?

烤襟... 舞DUCK上茫

新公司樣樣都OKAY!
淨係無得上網就唔係好慣!
可能之前果間實在太自由啦~
攪到好似無得上係公司唔啱咁!
其實好多朋友仔公司都無得上..
要習慣吓!!!!!!

最後出擊

今日再戰果醬... 菠蘿火龍果果醬!
朋友仔之前極力推介... 所以一定要試!

因為驚返左工無時間整!
所以快D試埋! AND 要還人情債!

:]

暫別少奶奶生活!!!

終於要返工啦!
少奶生活暫時要停一停!
係時候收拾心情... 上班去!

休息左5個月... 都係時候架啦!
雖然係好遊閒,
不過... 都真係有D悶!

至於D飲食篇...
就要等到星期六日先有得分享啦!
相信最開心都係老公...
因為... 佢終於可以真真正正進行減肥計劃啦!

Ocean Park

好耐無去啦!

都幾好玩... 不過真係好多人!

可能撞啱近10月1國慶..

仲有好多內地人仕...

所以乜都排餐死!

一直都麻麻地熊貓,

去完都係一樣... 仲覺得佢地好懶!

唔怪得咁肥!

無乜特別野睇.. 我又唔玩機動..

所以今次行程都係一般!

不過最好玩都應該係Anya BB,

8個大人陪佢...

好似公主出巡咁!

香港半天遊

今日一行四人去左香港島食野...

其實主要目的係帶鄭生食吓香港特色野!

上次睇電視佢話好想試吓D綠色鐵皮大排檔!

所以就同佢去試下...

順帶自己都食埋一份!

因為得半日時間...

所以唔係去到好多地方!

早上蓮香酒樓飲早茶,

人山人海...

多人到... 要搶點心!

跟住去左綠色鐵皮大排檔食蕃茄通粉+咸檸七!

正!!!!!

三叔公給姨婆的國慶禮物

好耐無打過羽毛球!
今日8個人, 齊齊去打波...
打左兩鐘... 好攰!! 有D痛!!
不過... 都唔夠"姨婆"痛,
因為"三叔公"請左個"餅"佢食...
成塊yy打左落佢個咀度...
腫左... 邊大邊細!
好似xx咁!!!

"上一輩嘅恩怨... 下一代嘅我地又點會明"
我地咁多個伙拍三叔公都無出事,
淨係姨婆一個中招! 可憐!!!!!!

三叔公送哩份建國六十年嘅禮物比姨婆.... 都算有意思!
以後佢地打親波都一定會記得!!!
而我地哩D後生就必定會醒醒定定!!

林 C NINE - 甜品篇<7>

自家製果醬

第一次整... 菠蘿 & 士多啤梨!

唔知好唔好味!?

不過跟足朋友仔指示去整,

應該okay好味! ^-^

(試過味甜度啱啱好... 凍左唔甜!)

老公厭supermarket買果D好甜...

所以自己試吓整!

希望啱老公口味!

期待!!!!

不上班的千萬個理由...

好好笑... 都幾有用!!!
有參考價值!!!!

林 C NINE - 甜品篇<6>

自家製冰皮月餅又黎啦!

停左兩年, 今年又整番!
總共整左50個!
奶皇紅豆各半...
(有D紅豆有綠茶餡... 因為紅豆唔夠)

奶皇餡炒到手都跛~~
次次整完都話唔會有下次,
但係... 都會又整過!
不過, 的而且確好香.. 好好味.. 好滑!!

老公星期六同我去買材料,
佢見"二德惠"樣樣野都有現成,
現成冰皮粉, 綠豆餡, 奶皇餡, 紅豆餡, 芝麻餡....
問我點解唔買果D,
要自己煮/炒...
我話因為果D唔叫自己整,
只係將人地整好嘅野,
買番屋企 然後將佢地混為一體,
咁都叫自己整.. 就算好食都係人地D材料好..
唔關自己事!!!
去大班買仲好!!

不過... 今年都有D懶,
無整綠豆, 改為紅豆...
如果整埋綠豆餡一定連命都無!
依家都整左7-8個鐘...
腰骨都直哂!!!

哈... 今年要特別鳴謝老公!
因為佢都有份整!!
(奶皇餡果D)
希望有機會食到嘅朋友仔...要細心享受!

冰皮月餅... 有機會出年再見啦!!!

媽咪新曆生日!!!

新曆同舊曆差幾日...

又有得食!!!

去左間好多人都話好好食嘅酒店食buffet!!

總果... 有D失望!

唔係外界所講咁好食!! :(

不過.... 算啦!

媽咪生日... 佢都幾鐘意食buffet,

雖然佢都覺得麻麻地!!!

無免費飛啦!!!

一直有朋友公司支持..
可以有免費演會睇!
依家連佢公司都結業..
以後都無免費飛啦!!!!

不過... 最傷心應該係我細佬!!!
一係快D搵個有免費飛朋友...
一係就自己比錢睇!!!!!

:(

媽咪大壽!

今日係媽咪農曆60大壽!

本應諗住大攪...

不過佢話唔好!

因為女人唔可以做60大壽WOR~~

BUT佢又無講可以幾多歲先得...

唯有自己屋企幾個人去食飯啦!

去左東海...

唔係因為果度D野好食,

而係媽咪鐘意果度D加大碼壽包!

全餐飯就係期待最尾果個壽包!

的而且確個壽包又真係好好味!

祝媽咪生日快樂!!身體健康!! 快D信主!!!!!

又整到...

星期三搬完個免費printer,
條腰有D痛... 可能整親!
直至星期五晚...
由後面伸延到前面,
總之坐同瞓都痛,
最痛係深呼吸!
扯住痛到入心...
幾晚都無瞓!!!

今日同老公去左游水...
希望可以有D幫助!!!
不過到現時都係差唔多! :(

林 C NINE - 甜品篇<5>

今個星期好忙!!
教會事務佔左三分二,
林生以為我同教會打工!!!
加上打風... (藉口)
星期三鄭生一枝公上黎食飯,
因為鄭 C NINE 約左同事!
都幾好... 下次我約左人...
林生都有飯開!!! XD


今日叫做得閒D,
朝早去完阿官度pre-查...
之後同麥傳導(過氣神學生)飲茶,
之後就去左吉吉島大出血...
因為有九五折!
返到黎就煲湯!
見距離晚飯時間仲有空檔...
用左大半個鍾整左個快速甜品!
<<椰汁西米糕>>
不過D西米唔靚!
有D"木木地"味...希望靠D模搭夠!
食起OK啦!!!
今晚有得食.... 食左就知得唔得!!

巨爵留倩影

果晚無聊隔住個窗影...

都幾靚!

好似打碎玻璃咁!!

又颱風

今年D颱風都有一個共通點... 有時差!
全部唔係放左工或者星期六日到!
完全益唔到打工仔!
(雖然我無工番... 不過我老公有吖嘛)

琴晚九點三同老公出左去紅磡碼頭睇巨爵,
(哩兩年一打風就去睇浪)
巨爵應該係今年最勁...
我地跟本連碼頭都出唔到!
大風到飛起!!!
最叻行到去巴士站個涼亭,
吹到連雨衣都飛起哂...
跟本都唔係自己行出去.
企係個涼亭都已經全濕!
眼見有班青年人手拖手係碼頭邊玩浪...
叫到聲嘶力竭!!!
企係岸都有得玩浪... 都係第一次見!!
有對情侶 (唔係我地) 企係碼頭餐廳門口食浪...
個男唔係攬住女朋友... 而係攬住碌柱!!
個女就扯住個男人... 扯唔實一定飛走!
跟住見到好多私家車陸陸續續駛黎碼頭,
應該係想加入玩浪!
越企越橫風橫雨...
我地見勢式唔妥,
都係決定企番係個亭度算!!
如果唔係Mak Sir 段片一定係我同Benson! :D
http://www.youtube.com/watch?v=o01gzkZ4O54&feature=player_embedded

幾經艱辛終於十點二返到屋企...
由頭到腳濕哂!
連我件雨衣都要報銷!

沖完涼洗完頭諗住早D瞓...
點知果個巨爵攪到個成晚無覺好瞓!
成晚起身睇水...
最後決定閂哂全屋窗!
跟住D雨聲風聲係窗邊係咁吹...
成晚好似鬼叫咁!!

無瞓過!!!

林 C NINE - 住家菜篇<4>

琴日開完小組...係屋企攪左個海鮮餐!!

本應諗住九大簋... 點知買唔到蟶子,

所以得八大碟! 有D失望!

不過佢地都話好好味...

仲有... 係屋企食真係平過係街食好多好多!

每人連埋飲品都係50蚊多D!! 抵 x 100!!

當日菜單:

白灼東風螺 - 螺仔.. 好味!
白灼蝦 - 花蝦... 好新鮮!
蒜蓉蒸扇貝 - 大隻... 好味!
炒蜆 - 無落青紅椒... 賣相差D! 不過姨婆話都好野味!
花鵰醉雞 - "叔公"話唔夠酒味! 下次落多D... 醉到你暈!

蒸魚 - 勁抵+好味... 旺角街市出品 $15-

蘿蔔炆豬軟骨 - 好冧好入味!
魚唇翅冬菇扒生菜 - 打開蓋唔見左D魚唇翅... 溶左!

林 C NINE - 甜品篇<5>

今日整左黑豆漿!

又係老公至愛!

今次比上次好好多...

無煲蕉到!! 都好好味!

不過唔夠滑... 水質問題... 無法!

總共有5支..

攞左支比鄭 C Nine..

免得佢投訴!! :P

佈道會

今晚一行十個去聽林以諾... 忠奸道 – 谷住喺度無出路!
其實都唔係第一次去...
不過次次去都好鍾意個敬拜!
真係好正! 雖然對西伯D歌唔係咁熟,
不過次次佢帶完都好鍾意佢D歌!
今次都唔例外!!

至於個talk... 對我黎講有少許幫助,
可能自己已經唔係職埸人仕,
加上又學習緊凡事交比神...
又好enjoy宜家生活,
所以暫時無野谷住喺度無出路!!
不過好認同牧師所講...
宜家有份工已經係好好啦!
好難會搵到一份自己又鐘意又有人工嘅工作!
所以... 努力做一份有人工但無意義嘅工,
其他時間就去做有意義but無人工嘅工去平衡自己!

我諗紅姑應該係今晚中箭最多嘅人...
句句到肉..針針見血!!!

週二閒情...

今朝又去左週二閒情!
本應諗住幫下得番半條命嘅官姑...
佢又病... 又要閒情...
點知都係得我地果幾個,
所以我都玩埋一份!
今日主題又係陶瓷... 好玩!
第二次玩啦... 上次整左個好大筆桶!
本應諗住整個大杯 (可以盛湯果D呢),
點知整完出黎覺得唔夠大...
最後改裝成一個兜,
整下整下... 加隻蝴蝶結比佢...
攪攪下一D話似頂帽..
一D話似花盆,
其實我都唔佢似乜..
不過唔穿就得啦!!! :P

大家話佢似乜野???
不過仲未燒KA.. 燒好左再影比大家睇!!!

林 C NINE - 甜品篇<4>

今日McKathy黎左我屋企相聚加整野食..
佢見我個blog整D甜品好好味,
好想整下... 所以我地今日整左 >>>> 馬拉糕!
我都係第一次整,
都似模似樣!
D味都OK! (由阿紅評審過)
老公當然話"正"啦!
因為係佢favour嘛~~
一蒸起真係好鬆軟!!
好味!!!

林 C NINE - 住家菜篇<3>

是日晚餐... 黑豚豬扒Pita Bread 配 忌廉南瓜湯!!! yummy yummy ~~~
老公第日帶番公司食... D同事以為佢係樓下 Pret A Manger 買!
個個都話睇見都好想食! :D
講真... 如果係出面食哩個包真係要30-40蚊...
依家50蚊可以整到6件... 平好多!
又好味又新鮮!!!

林 C NINE - 甜品篇<3>

Haha... 今次整左阿紅專利!! Tiramisu..

不過老公話麻麻地... 因為佢唔鍾意太重RUM酒味...

我都覺得重手左D!!

不過食完可以早D瞓著... 都唔係唔好! :D

林 C NINE - 甜品篇<2>

靚唔靚呢!? 晶瑩剔透.... 知唔知係乜東東... 桂花糕呀! 玫瑰花型ka...
我覺得甜左D... 不過D桂花真係好香!
老公話好好味!!! 唔覺得好甜!!
不過賣相都已經攞滿分啦!!! YEAH!!!! Yummy!!!

林 C NINE - 甜品篇<1>

<<糯米糍>> (應該睇得出)

綠茶紅豆 & 椰汁士多啤梨 (總共整左30粒..於星期六沽清)

因為老公皮膚問題...
所以唔整得芒果!
諗左好耐... 於是用士多啤梨代替!
老公當然讚好食啦!
因為homemade.. 所以大粒左D..
不過...麗怡complain士多啤梨唔夠!
下次會檢討!

林 C NINE - 住家菜篇<2>

今日煮左老公好好好鐘意食嘅... 咕嚕肉!!!!!
第一次整...
老公話好好味! 120分 :)
佢話好食過出面果D!
D肉好鬆, 菠蘿好juice...
不過我同佢講... 唔會成日整,
因為要用好多油... 好浪費!
整完D油都唔要得!!
(同埋我懶 :p)

不過... 我會繼續做好哩份工!
煮多D好野比佢食... 谷肥佢! :D

林 C NINE - 住家菜篇

是日晚餐自家製水餃 :)
其實我對厚皮野麻麻地~~
不過男主人鐘意...
就整下啦!

<菠菜豬肉餃>
分數: 98
佢話D餃有魚味!?
我都唔明點解...
只係得豬肉 & 菠菜...
點解會有魚味... D魚味係邊度黎?
激死人...
下次再努力!!!!!!!

培靈會.. 完結也是開始!

第一次去培靈會，
起初, 聽到個名覺得會好悶，
不過佢地話身為基督徒應該要去下...

好在有去！真係獲益不少，
精彩...入心...內疚...
做左基督徒差唔多5年，
一直以為都幾好...
有事奉、有靈修、有奉獻...
總之有需要都會幫手...

不過...聽完之後先知自己仲有好多好多唔掂，
對神嘅信心... 不足!
講好易... 做好難!
唔信得個神真係一位會供應的神!
計劃好多野... 驚哩野... 驚果樣!
絕對唔容許事情不在自己控制範圍內!
無安全感!
所以好多時唔會比神參予...

由今日開始... 要重新整理自己!
係個心度...留返個位比神!

第三輪... 終於到我!

2009年4月最後一日...
亦都係我係哩間公司嘅最後一日!

第三輪... 終於輪到我!
加入失業大軍行列!
大約12時... 老細call我入房,
從電話中已知事有不妙,
同平時語氣不同...
入到去... 講一輪廢話, 問我估唔估到乜事,
講真... 一早就有心理準備(都準備咗3個月啦)
公司生意咁差, 個個月都紅色...
唔炒先至奇!
都好... 起碼有得陪!

依家... 唯有好似大家所講,
係屋企休息吓先!

忙到嘔!

上星期五裁員後,
接咗成個部門黎做,
聽落好似好勁,
實質做到隻狗咁!

一個人做4個人野...
真係想做死我!
所以日日做到89點先收工,
人都顛..
仲要返到屋企繼續做!

2nd round

今日...終於宣佈裁員名單!
即日生效!
同事們都愁雲慘霧!

雖然我今次可以逃過一劫,
不過, 唔代表安全,
因為仲會繼續有...
哩d日子真係唔好受!

1個人做4個人嘅工作...
仲要帶住今日唔知聽日事嘅心情,
就算幾努力都未必做到好成績!

同事們... 大家互相守望!
希望可以共同捱過2009!

重症肌無力

在家第三天!
瞓覺...休息... 聽電視... 休息...
已經開始食到野,
講野都有番力氣;
不過... 到眼睛有問題,
睇野有出現重影的複視,
個人暈舵舵...
行每一步都要好小心,
因為唔知安唔安全,
尤其是上落樓梯,
好易差錯腳...
睇電視都暈... 因為foucs唔到!
只好聽啦!!

眼皮下垂, 複視, 說話含糊, 呼吸及吞嚥困難,
都係重症肌無力嘅病徵,
醫生都係建議我休息,
因為休息係灰復體力最快嘅方法...
所以都係瞓啦!!!

復發

可能近來壓力實在太大,
開始食野同講野又出現問題...
但, 我依然有返工,
因為我怕... 再請病假,
第一個就裁我!
:(

無諗過... 壓力可以咁大威力!

壓力.... 病!

從來未試過痾咁耐唔好!
已經食唔落, 仲要一食就痾!
又胃痛... 救命!
可能真係壓力大!

今日高層又開會...
鞋口鞋面咁出黎...
好似出殯咁!

究竟仲要折磨到幾時?

涯得一日得一日

這星期... 公司氣氛差透,
心情都有點沈!
如題一樣... 涯得一日得一日!
因為公司又準備裁員,
收到消息, 今次比上次還要多...
不論你是否忙與否,
都有可能成為名單上一份子...sigh!
經濟差, 市道差, 生意差...
就係員工度落刀...
咁經濟好番,
公司又會唔會請反被裁嘅人!?

琴日係朋友公司見到,
詩篇23篇... 好窩心!
真係好慶幸自己係基督教,
如果無神,
我會因環境而改變而變得沮喪... 無盼望!

雖然前路唔知會點,
不過, 我深信神一定會幫助,
Thanks God!

耶和華是我的牧者. 我必不至缺乏。
他使我躺臥在青草地上、領我在可安歇的水邊。
他使我的靈魂甦醒、為自己的名引導我走義路。
我雖然行過死蔭的幽谷、也不怕遭害.
因為你與我同在.你的杖、你的竿、都安慰我。
在我敵人面前、你為我擺設筵席.
你用油膏了我的頭、使我的福杯滿溢。
我一生一世必有恩惠慈愛隨著我.
我且要住在耶和華的殿中、直到永遠。

Happy Birthday!!

今日係老公牛一
祝佢身體健康!
每年生日都要諗去邊慶祝,
買乜禮物...
講真... 真係好難諗!
好多野都有,
貴嘅又買唔起... :p
真係有難度,
安排咗聽日一齊放假...
不過, 仲未知去邊! :D
放咗先算! hehe..
希望比到佢一個快樂生辰!!

又痛...

肩週炎又發...
醫生話元兇應該係清潔時引致,
咁.... 點算?
唔抺呀?

舊同事

今日同舊同事食飯...
一枱六人... 六間唔同公司!
但依然可以有共同話題!
斟得好開心... 仲覺得時間過得好快,
難得! 難得!
人真係唔可以無朋友,
不過, 我認識的朋友當中,
有某些人真係可以無朋友,
因為...佢地認為出黎食飯係浪費時間和金錢!
一樣米養百樣人!

Bad News again...

今天又有壞消息...
公司裁員!
全公司都愁雲慘霧...
個心好up...
雖然我今次可以大步檻過,
但係都唔代表穩定!

2009年... 一個月還未過,
就已經有咁多唔開心嘅事!
:(

又一噩耗...

2009年只係過咗十日到...
就已經有兩個壞消息!

星期一零晨... 舅公離世!
雖然我與他的感情一般,
不過... 他卻令我想起爸爸,
因為他與爸爸的關係很好!
想起他的每個片段都會連帶想起爸爸!!

懷念你們!
願你們在天國快樂!

螢光保齡

上星期五公司攪咗個保齡運動,
原來今年連Annual Dinner都無埋,
真係慳家!
不過都幾好玩... 因為比賽完之後,
全場熄燈... 變哂螢光!
嘩! 好靚!!!
不過, 如果自己比錢打一定唔會...
因為太過迷幻... 好難對準!

2009年第一天的噩耗... 給譚國華牧師的信

譚牧師，

相信您不記起我，但對我而言... 您對我有很深很深的記憶和影響，因為您是為我受浸的牧師！仍然記得受浸那天您對我說過的每一句話，您和藹可親的笑容，您的風趣幽默... 與其他牧師有很大的不同，雖然只是認識您那短短數分鐘，您已經給我不斷的安慰和支持，因為我實在太害怕，不知受浸時應該怎樣做才可將全個人放鬆向後落水！但您卻給我莫大的信心和鼓勵，叫我不用怕... 放心的向後，您會扶得住我的！多謝您！

1月1日的早上聽到您離世的消息，沒想到... 真的沒想到，由知道有急性血癌病到離世只是短短的四天，就已經離開了我們。您還是這麼的年輕... 兩個小孩還是那麼小！今天早上看回12月14日錄影証道... 您依然的健康，依然的笑容，沒料到十數天後的您已返回天家！願神親自安慰您的家人！永遠懷念您！

主懷安息！

Happy New Year 2009!!!

新一年, 新開始,
今朝一早起身就見到非常美麗的晴天,
藍色天空!! 好開始! :)

2008年的結尾

相信哩呢篇應該係2008年最後一篇,
因為懶...因為忙... 因為身體唔好... 因為...
因為以上諸多理由, 所以唔係時時update!

今日都係病...
2008年, 病得好密, 可以年紀大...
身體差, 自我修復能力低!
不過... 病都有好多說話聽,
有人真關心... 有人假關心,
關心背後有動機... 當然指公司居多!

靈命方面... 比起自己身體好得多,
起碼無病過, 同埋有少訐進步!
值得感恩! :D

詩篇23篇 ~
耶和華是我的牧者。我必不至缺乏。
他使我躺臥在青草地上，領我在可安歇的水邊。
他使我的靈魂甦醒，為自己的名引導我走義路。
我雖然行過死陰的幽谷，也不怕遭害。
因為你與我同在。你的杖，你的竿，都安慰我。
在我敵人面前，你為我擺設筵席。
你用油膏了我的頭，使我的福杯滿溢。
我一生一世必有恩惠慈愛隨著我。
我且要住在耶和華的殿中，直到永遠。

共勉之~~~

祝願大家2009年身體健康!

安份守己

如果用這四個字來形容職場的我... 絕對唔合適,
不過, 我相信我要努力跟他們好好的學習!


唔係話自己好勝.. 只係覺得進取!
不過似乎都唔適用於現時!!
努力學習安份守己!!!

:(

婆婆的八十大壽

剛過去的星期六是婆婆的八十大壽!
一家人一齊食飯, 一齊興祝,
雖然唔齊人... 不過都好開心!

希望婆婆身體健康! 老如松柏!!!!!

沈

近期電視播好多旅遊特緝...
攪到我好想去旅行!

不過而家經濟又唔好,
又好想留番個錢以防萬一,
話就話公司好忙好多野做,
點知佢會唔會炒我ka...

身邊已經有幾個朋友就快無工做,
唔知自己會唔會好快加入佢地團隊?

究竟經濟重要沈到幾時?

已經一年

今日係結婚一週年紀念...
回望...時間真係好快!

一年裡倆口子一齊面對好多,
雖然中間有淚..
不過總括都係開心多!
有時候我都會去番個wedding web度..
睇番朋友仔留比我地嘅說話!
http://www.peggy-benson.com

希望住後日子依然開心快樂!
"我們愛, 因為神先愛我們."

忙

工作好忙... 大陸香港兩邊走!
以前誓死唔返大陸... 依家都無得我say no.

不過眼見隔離個部門得閒到死...
唔係中眼瞓, 就係facebook, youtube...
真係人都顛!

點解佢地可以咁得閒,
仲可以請人,
而我地dept咁忙... 就無headcount!
乜野世界?

又出現同一間公司,不平等現象!

神呀... 求你幫助!!!!

黑黑黑

條頸痛完又到條腰, 唔停咁痛... 痛到連覺都瞓唔到! 已經有做運動架啦... 都唔明?

琴晚痛到醒咗, 跟住就瞓唔番啦... 今朝一早去睇"鐘發", 醫師話我條腰第x同第x唔啱位, "落"咗幾野, 好似好d, "落"完條腰係好咗, 不過... 行路到大脾好痛! 救命呀!!! 點解咁架? 咁快就退化?

好痛呀!!!!

C3H6N6

近來乜都唔食得,
唔係因為腸胃問題或者身體毛病,
而係樣樣野都有毒...

起初話36有問題,
心諗好在無飲過... 唔關我事,
以為大步檻過, 點知越驗越多,
終於我日日都飲果隻" 三义高鈣低B"都出埋事...
罐野新買ka... 啱啱開第三日,
咁點算呀!

諗咗幾日都無掂過佢,
本死無大害... 再攞番黎飲(百幾蚊一罐ka),
罐上指示: 4匙1杯水; 我就1匙1杯水,
(開咗出黎, 完全唔似奶... 灰色ka)
我諗應該無咁易有事...
飲咗4日, 同事媽媽今朝見到,
立即喝止我, 佢問我係唔係想死,
我就將我個偉論話比佢知,
不過, 佢都係唔比我飲!! 仲沒收埋!!
聽日連奶都無得飲... :(

日日返到公司就會有同事話比我知,
又有d乜野唔食得...
今日連m&m都話有事,
我平時month-end靠佢黎釣命ka,
5粒就超標...咁點算,
每個month-end都食大半包...
咁我係唔係要去驗吓呢?

點解咁無良...係d食物度加化工原料?
佢地d仔女唔飲奶ka?

自殘

又一個月後update...

因為實在好忙!
忙咩!? 返學啦.. 工作啦.. 睇醫生啦!!
哩三樣都有排玩... 死我!

近來"退休"這兩個字不時係我腦海出現,
可能實在太忙而且時時都病,
令到我都不禁唔認老!

人越大, 機器就越易壞,
仲要壞咗就好難好,
過哂保養期!!
有錢都唔受保... 仲可況無錢!
有人話辛苦搵黎志在食,
不過... 又怕肥!
咁... 辛苦又為乜?

講完一大論廢話, 都係繼續開工,
繼續自殘... 做死自己!!!

結束了...

2008年8月24日京奧閉幕,
相比開幕...依然壯觀及驚喜!

2008北京奧運正式"完滿"結束!

這真的是完滿,
由開幕到閉幕,
祖國都做得非常出色,
從來欠缺運動細胞的我,
對於奧運都只會留意獎牌數目,
沒想到今次竟然由頭看到尾,
可能是北京的緣故!!

偉大的祖國... 偉大的人民!
合力締造完美奧運!
贏盡無數掌聲及喝采!

中國運動員的超水準發揮,
令我不禁的在家也為他們歡呼喝采;
尤其當國旗升起,
心中的熱也隨之而出,
有時更會跟運動員一樣...
流出開心的眼淚!!!

中國獎牌數目: 51金 21銀 28銅... 總數100!
完美的數字!!

鸚鵡

哩隻鸚鵡都算犀利!

唔單止係佢本身風勢強勁!

而係佢未登陸之前嘅威力...

由星期二開始,

從四方八面收到佢嘅預測,

一時又話星期四到...

一時又話個風好強...

一時又話一定十號...

總之好多消息,

個個都話係可靠嘅!!

攪到個人都集中唔到做野,

琴晚做到好夜先放工,

終於佢今日都到咗!

嘩! 一路寫一路見證住佢由8號變9號...

鸚鵡... 你真係好勁!!!!

2008年8月8日 北京奧運開幕

嘩! 嘩! 嘩! 嘩! 嘩!

就係我一路睇嘅反應!



中國人驕傲!!

諗唔到中國可以有咁出色嘅開幕!

對中國有"挖目相看"嘅感覺!



好有衝動裝番個"高清"睇奧運,

因為有比較之下,

發覺有好大好大嘅分別!

游水... 高清d水靚到... 好似係池邊睇緊一樣!

而唔高果部, 只會覺得真係睇緊電視囉!



所以, 琴晚去咗最近屋企果間豐澤,

諗住即買即用... 點知sales話所有機頂盒都無貨,

有d仲要等個半月, =_=! 奧運都完啦!!

最後買咗個星期三有貨,

仲自己去攞!!!

Back date 網誌 - 31/7生日天

近來... 無事忙!
唔知忙乜... 但總係唔得閒update個blog,
所以又收到complain... 話我點解唔講吓生日!

好!!!

31/7-1/8 放咗假!! 最主要原因唔係因為生日,
而係為咗陪老公, (因為轉新工, 中間有兩日空檔)
生日當天去咗睇早場 - Wall E
本應套戲好好睇, 不過... Wall E竟然有個好朋友,
而我又最驚... "小強", 所以... 有d失分!
跟住去咗windon shopping,
夜晚去咗日航酒店食free buffet!
(鳴謝: Donna送出餐飲禮卷$800大元.. 仲要係31/7到期)

今年收到嘅生日禮物都唔少...
有人話年紀越大, 禮物自然會越少,
我都認同... 因為多數以生日飯代替!

有型眼鏡+花+絲巾 - 多謝老公
詩歌CD 2 隻 - 多謝 Dorothy & Novem
Donald Duck 匙扣+mask - 多謝麗怡
南瓜一個 - 多謝Danny
健康頸繩 - 多謝Candy
My Melody八達通 - 多謝阿心

貓貓匙扣 - 多謝Meg
生日蛋糕3個 - 多謝老公, 媽咪 & 阿紅
生日下午茶 - 多謝關文健伉儷
生日晚飯數餐 - 多謝各位朋友, 細佬及老公
生日message - 多謝各位朋友

生日飯

琴晚... 細佬請食法國菜! :D
開心唔係因為"法國菜"三個字,
而係細佬請!
媽咪都有D眼紅我,
因為佢生日細佬無請過佢,
連禮物仔都無收過!!

今次係細佬自己話要請我食,
最初怕佢無錢.. 所以提議Pizza Hut,
不過佢話可以請貴D,
再提議食西餐...
之後佢決定食法國菜,
雖然哩間係廉價法國餐廳,
不過對於細佬黎講唔算平!

好開心兼好享受一家人一齊食飯嘅時間,
令我諗起Daddy...
佢以前都好鐘意帶我地周圍食同玩,
有新發現就會帶我地一齊去試,
不過...此情不再啦!!
只有留在腦海裡作紀念!

工作又轉變

在這公司工作已經有六個年頭,
很多同事都問我為何可以支撐到今時今日,
他們都覺得工作乏味,
但我偏偏沒有這感覺,
不是因為我遲鈍或反應過慢,
而是我的工作範疇不停的在變,
最長的職務也不過一年...
可想而知, 又怎會覺悶呢!?

而且, 我的身體又不太好,
要找一間公司可以容許我時常請病假,
實在有點難!

所以, 我又怎能不在這公司繼續做下去呢!?